القدرات ٢ 💙

السلام عليكم 💙

اول شي أحب اعرف عن نفسي أنا رِهاف 💘
انا طالبة اتخرجت دي سنه وحبيت افيدكم عشان تكونوا اتخطيتوا الاختبار وعشان لا تمروا بالأخطاء اللي انا مريت فيها
تجربتي مو ملهمه لكن حتفيدكم ان شاء الله 🙏

قبل كذا اتكلمت عن تجربتي لإختبار القدرات، وحاليا حرجع اتكلم عن بعض التفاصيل بما أني اتخرجت وخلصت منه 💅😂

🎤 " محال ان يهزم قلب توكل على الله" 💙
القدرات إختبار سهل يحتاج منك بأول خطوة تعملها انك تتوكل على الله عشان يسهلك أمورك 🙏

🌴 تفاصيل مهمه عن أختبار القدرات 🧠 :
١- الاختبار يشمل قسمين، اللفظي والكمي 👏🏻
٢- الاختبار له ٥ فرص تتوزع بالطريقه التاليه :
✂️ ٤ ورقي و ١ محوسب
✂️ ٣ ورقي و ٢ محوسب
المحوسب والورقي نفس المحتوى ونفس طريقة الأسئلة وكل شي بس يختلف ف اشياء بسيطه ✌🏻

٣- اختبار القدرات كل الجامعات ياخدوا منه نسبة ٣٠٪

🔌 الأستعداد لإختبار القدرات على مرحلتين :

المرحله الأولى 🏌️‍♀️:

التأسيس واللي هي اهم مرحله والكل يجهل النقطة دي
المرحلة دي لو أهتميت في المرحله دي وبعدها اتدربت       اضمن لك درجة عاليه 🌿

١-الكتب 📚:
كان عندي حقيبة تميز 🔥
فيها كتابين كتاب كان يتكلم عن الأساسيات والثاني عن الأفكار المتقدمه والمتكرره
حبيتو لانه مختصر وشامل الأشياء المهمه 👌🏻
🌚 كان بالنسبة لي الافضل لانه الكتب ثانيه كبيره ومدفوسه وتجيب لي الإكتئاب ✌🏻

٢- الدورات 🎑:
حضرت دورة تميز في مكه 😍
في ناس يقولوا مضيعه للوقت، وانا اعترف اني ندمت اني ما دخلت الدورة من اول اختبار ليا لاني حرفيا كنت ضايعه ومتعبه نفسي لو اني دخلت الدورة كان اختصرت مشوار طويل لانها حرفيا حلوه وشامله كل شي ومو ممله 🙏

٤- اليوتيوب 🔗:
✂️ فهد التميمي، اول اختبار ليا اتأسست منه بسيط ومفيد ويتكلم عن بعض الأساسيات و بالتفصيل 💅

⏪ اختاروا المصادر اللي تبوها وتناسبكم المهم انكم تتأسسوا كويس حتى تضمنوا درجة عاليه 🙏

بعد ماتخلصوا من التأسيس نجي للمرحلة الثانيه 💅               ف الاستعداد 👍 :
التدريب، التدريب، التدريب
🔴 الكل يهمل الخطوه دي وانا من ضمن الناس اللي اهملتها 🌚😂✌🏻

✂️ التجميعات مصدر مهم للتدريب، حلو فيها اكبر عدد من التدريبات وتكونوا فاهمين طريقة الحل ✌🏻

🎲 بنبه على بعض الأشياء الغلط واللي ممكن تخليك تفشل :

🥇 إهمالك لإختبار القدرات الله يحفظك وتروح تختبر وانت مو مذاكر، حيخليك تندم بعدين 🏌️‍♀️

الفرص اللي بتضيعها على الفاضي وقت التخرج تحتاجها عشان ترفع موزونتك وحتمر في ضغط مميت بسبب إهمالك 🔥

🔅 القدرات ابدا مايعتمد على الحظ ولا هو صعب ومستحيل تجيب فيه درجة عاليه 🙏

بالنسبة للحظ .. على كدا الناس كلها ماعندها حظ ومحا تجيب درجة عاليه 😴
اما في فكرة مستحيل لا مو مستحيل لو ذاكرت وتعبت حتجيب درجة عاليه 😢

🔅 حيجو أوادم الله يحفظهم يقولو لكم ذاكروا تجميعات قبل اختباركم واحفظوها صم وكلام فاضي 😍🔌

احب اقولك الخطوة دي اكبر خطوة فاشله فالدنيا ✌🏻
🔴 انت انسان مو متأسس تفتح التجميعات حيجيك اكتئاب لانك منتا فاهم شي حتضيع وقت كبير على فاضي
🔴 فكرة انك تحفظ صم وانو حتجيك الاسئلة من التجميعات نسخ لصق 😂😂
حتضيع نفسك وفرصة إختبار وفرصة انك تجيب درجة عاليه،، القدرات يعتمد على فهمك مو على حفظك اساسا لو جاتك اسئلة من اللي ذاكرتها حتجيك كم حبه وثانيه نفس الافكار ف من البدايه لو ذاكرت التجميعات بفهم حتختصر عليك الوقت والجهد 👏🏻

🔅 نقطة كمان مهمه وجداً " الوقت الزمني للاستعداد" :

🥇 في ناس ماشاءالله الله يحفظهم قبل الاختبار ب ٣ شهور تذاكر اوك حلو عشان تذاكر كويس بس مو حلو لانه مذاكرتك حتكون مقطعه والين وقت اختبارك حتتعب وحتهمل المذاكره ف اكثر وقت مفروض انك لازم تشد حيلك 😢

🎻 وفناس ماشاءالله يذاكروا قبل الاختبار بيومين 😟
انا اسفه بس مذاكرتك حقت يومين وانتي مو متأسسه او تحتاجي لتدريب محا تفيدك كثير لانك محا تلحقي ولا شي

" الأفضل تذاكر قبلها ب شهر بالزبط 🧠"

📭 حتكلم عن نقطه انا مريت فيها شخصياً ..

انا اختبرت ٥ فرص في كم فرصه ضيعتها هبئاً منثورا بسبب جهل مني في موضوع الأستعداد و الفترة الزمنيه، اللي صار معايا جبت درجات واطيه نوعا ما وكان ذا سبب محبط ليا وحرفيا قعد فنفسي وكنت اقارن نفسي بغيري وكنت اشوف تجارب ناس مو كويسه واحبط زياده ✌🏻

⏪ ف نصيحه مني لوجبت درجة منخفضه محا تكون نهاية الدنيا بالعكس عندك فرص ثانيه تقدر تعوضها،، لا تهلكوا نفسكم ونفسيتكم  .. النجاح يحتاج ناس متفائله 👌🏻

⏪ لا تقارنوا نفسكم بغيركم ابدا انتو غير بقدراتكم و طموحكم وكل شي ❤️

كونوا متفائلين الموضوع سهل يحتاج منكم إهتمام ومثابره وتوكل على الله .. لاتستصعبوا الشي ابدا حتمروا بضغوطات نفسيه وجسديا وحتتعبوا لكن نهاية التعب فرح ❤️❤️

🌴 شعور الفرحه بعد التعب أعظم لحظة ف حياة الإنسان لا تضيعوها 👏🏻❤️

وأتذكرو 🧠 :
حديث رسول الله "أن الله لايمل حتى تملوا" يلخّص فكرة السّعي بمنتهى البساطة في أن الإلحاح هو سرّ النجاح وأن الاستمرار على عملٍ ما هو طريقك للوصول 💡

🔴 ححط لكم اشياء مفيده اطلعوا عليها 👍

لو أستفدتوا مني بحاجه أذكروني بدعوة 💙
حسابات تميز اللي اتكلمت عنه:
@tamayyozz_qu @tamayyozz 
وفضلاً ..  ماشاءالله 💙

Insta:@rehafme