ثالث ثانوي 🌚

ثالث ثانوي 🤡
المرحلة دي احلى مرحلة فالحياة، لانها مليانه حب ومشاعر واخر مرحله من ١٢ سنه 💘
عيشوا ثالث ثانوي بحلاوتها ومرراتها لاتخلوا يوم يمر من دون شي حلو تعملوه 🤤
المرحله دي حتسمع عنها السلبي والايجابي بأختصار سد أذنك وجرب بنفسك..
حنصحك بحاجة وحده بس :
الأهتمام ثم الاهتمام ثم الاهتمام لانك لو اهتميت حتنبسط وتسهل عليك ومحا تواجه اي انواع من صعوبات 👌🏻
صدقيني لو لعبتي اليوم حتندمي ندم موطبيعي، فلوها وانبسطوا لكن مستقبلك خط احمر وعودي كمان 😎

لازم خلال السنه دي تنظم نفسك وتنظم وقتك لانه كل دقيقه تمر قيمه 👌🏻

🔴 خلال ثالث ثانوي عندك ثلاثه أشياء
⏺️ المعدل التراكمي ⏺️ القدرات ⏺️ التحصيلي

1️⃣ لو معدلك التراكمي كان فوق ٩٠ او ٩٥ انت في أمان
وتقدر تحافظ عليه وممكن ترفعه بأنك تجيب أمتياز فكل المواد
ولو جبت في القدرات +٨٠ والتحصيلي +٩٠
موزونتك حتكون عاليه وحتحقق طموحك
كل ماكانت موزونتك فوق ٨٦ حتكون في أمان وتقدر تدخل الجامعه وتحديداَ التخصص اللي تباه 💓💓

2️⃣ لو معدلك التراكمي اقل من ٩٠ ف المرحله دي لازم تشد حيلك في المدرسه وماتنقص
ولازم تشد حيلك في القدرات والتحصيلي عشان يرفعوا لك الموزونه لانك لو لعبت وما اهتميت في قدرات والتحصيلي وكانت موزونتك اقل من ٨٠ حتتعب
( انا اسفه بس لازم اقولك دا شي عشان تنتبه)

🌿 أنتي دخلتي لمرحلة جديدة مرحلة أعتبريها مصيرية لمستقبلك وحيكون عندك خيارين لا ثالث لهم
وذا كله راجع لك,واللي حتعمليه دحين أعرفي هو اللي حيحدد مصيرك في المستقبل وقبولك 🌟
🌿 سنه ثالث ثانوي :
1- هي مرحلة مو صعبة ولا سهله ,,صعوبتها وسهولتها تعتمد عليكي أنتي!👌🏻
هيا ثلاثه طبقيها وحتشوفي السهوله بعيونك:
📌 أجتهدي أجتهدي أجتهدي ,, درجات دنيا والكلام ذا الغيه من قاموسك

🎗 درجات الشهري:
( الاختبارات الشهريه والمشاريع والواجبات خليها لعبتك وحافظ عليها) عاد لو صارت لعبتك والنهائي لعبت فيه مايحتاج اقولك انك حتصير فنان وتكبر المخده وانت مرتاح 😌

🎲 دقيقه بتكلم عن كم منصة لطيفه تفيدكم 😍:
١- واضح ياجماعه افضل حاجه للرياضيات والفيزيا شرحه لطيف وخفيف 🤤
٢- معاذ الشلال للكيميا شرحه يضحك ويخليك تفهم 😂❤️
٣- معتصم نديم الحب، اه دا بيفدك في الإنجليزي من وإلى صح انه يتكلم انه انجليزي بس تستوعبي هو ايش بيقول 👏🏻

3️⃣ اتكلمت عن تجاربي في القدرات والتحصيلي بالتفصيل
انا هنا عشان انصحك واساعدك، انا ما ابا احد يتعب او يمر باللي انا مريت فيه 💙

واللي ضايع فالقدرات والتحصيلي يروح لمنصة تميز ويدعيلي 💪🏻😎

4️⃣ عاد دي نقطه مهمه وجداَ
اوعك تدخل فترة القدرات مع تحصيلي حتجيب لنفسك الموت والتعب 🤓
اختبر قدرات ورقي فترة أولى وانتظر تطلع نتيجتك في شهر ٣ بعدها لو حاب تختبر ثاني اختبر محوسب شهر ٤ او ٥

🔴 السؤال الدائم ليه يارهاف شهر ٤ او٥؟
عشان يكون عندك وقت تستعد *ضروري شهر قبل اختبارك تذاكر*
وعشان شهر ٦ ترتاح فيه لانو الفترة اللي بعدها حتستعد للتحصيلي وحتكون فترة تخرج فلا تضغط على نفسك
(نصيحة مجرب)🌚👍

🔴 يارهاف اش الموزونه؟
الصور دي موضحه 👇:

حديث رسول الله "أن الله لايمل حتى تملوا" يلخّص فكرة السّعي بمنتهى البساطة في أن الإلحاح هو سرّ النجاح وأن الاستمرار على عملٍ ما هو طريقك للوصول 💡❤

🔴 لو أستفدتوا مني بحاجه اذكروني بدعوه | ماشاءالله

Insta:@rehafme