التحصيلي 💗

التحصيلي 😻

صباح الخير .. أنا رِهاف 💘
حتكلم عن تجربتي مع التحصيلي والطريقة الصح المذاكره 💕
أختبار التحصيلي سهل وبسيط ومو معقد ابدا، لا تحطم نفسك ولا تتوتر وابعد عن الكلام السلبي واتوكل على الله ربنا بيعطيك على قد تعبك وزيادة 👌

🔴 أول شي ايش هو إختبار التحصيلي؟
إختبار شامل لكل درستيه خلال الثانوي 👍

⚪المسار العلمي اختبارهم يشمل  :
1️⃣الرياضيات
2️⃣ الكيمياء
3️⃣الفيزياء
4️⃣الأحياء

🔵المسار  الادبي اختبارهم يشمل :
1️⃣ التوحيد
2️⃣الحديث
3️⃣الفقه
4️⃣النحو والأدب
5️⃣البلاغة
6️⃣التاريخ والجغرافي


🔴 كم عدد أقسام الاختبار وكم عدد اسئلة الاختبار؟
-يتكون من ١١٠ سؤال، مقسمه على ٥ أقسام بنسب متساوية
- كل قسم يحتوي على ٢٢ سؤال.
-مدة كل قسم ٢٥ دقيقه
🔴 كم عدد فرص إختبار التحصيلي؟
- يتكون من فرصتين فقط

⚪ حتكلم لكم عن طريقة مذاكرة التحصيلي بالتفصيل 💡 :

🔴 اول شي انا اتكلمت كيف تقسموا وقتكم مابين القدرات والتحصيلي والمدرسه والطريقه الصح من وجهة نظري 🙏

⚫ مصادر الأستعداد للتحصيلي 🌟 :
١- الكتب
٢- الدورات

🔴 الكتب أفضل الكتب بالنسبة لي واللي انصحكم بيه " كتاب ناصر عبد الكريم للتحصيلي"
🔹 متوفر للعلمي والأدبي
لا تستعجلوا وتشتروه استنوا تنزل نسخة ١٤٤١ حتكون شامله لكل الافكار الموجودة في الاختبار 👍
الكتاب حلو ومتوفر له شرح في اليوتيوب وشامل لكل الافكار 💕
🔸 تلاقو الكتاب في جرير

🔴 الدورات :
الصراحه عشان كنت متأخره وفاتتني فترة التسجيل في الدورات راحت عليا
بس عندكم دورات تميز انا حبيت فكرتها لانها مدخله المواضيع اللي تحتاج للفهم بس زي مثلا الرياضيات، الأفكار اللتي تجي في الاختبار يشرحوها لك ويدربوكي على الحل 💕

🔹 بعد ماتختاري المصدر اللي تبي تذاكري منه وتخلصي منه ذاكري من تجميعات ابدأي من ١٤٤٠ الى اللي تقدري عليه

🔴 لحد يجي يقولك جمعي كتب ٣ سنوات وذاكري منها عشام تجيبي +٩٠
👈 غلط واكبر غلط، الكتب حقت المدرسه دسمه وفيها معلومات انتي ماتحتاجيها في الاختبار
الاختبار مو مخشخش ولا يحتاج لطرق الحل طويله 🙂

🔴 لحد يجي يقولك الكتب او الدورات مضيعه للوقت وابدأي بالتجميعات :
التجميعات حتفيدك لانها متكرره لكن مستحيل تضمني درجة عاليه ليش؟
الكتب حقت التحصيلي شامله كل الأفكار الموجودة في الاختبار ولما تكون مذاكرها كلها وتجيك في الاختبار تعرف تحلها وتضمن الدرجة ✅

لكن لما تجي تذاكر التجميعات ممكن في التجميع يكون فيه فكره من مجموعة افكار ولما تجيكي في الاختبار فكرة انت مو مذاكرها محا تعرف تحلها وتضيع درجتك عبث 💔

♦️♦️ من سنه لسنه تتغير بعض الأفكار وبعضها يقعد ثابت فكونو فاهمين الأساسيات من دورات او الكتب قبل التجميعات عشان تحلوا كويس في الاختبار

بأختصار :
الكتب او الدورات + التجميعات = درجة عاليه✅💓

🔴 نجي للموضوع المهم .. الوقت🕒:

انا داريه انو تحصيلي نهاية الترم ونهاية الترم تكون فترة اختبارات وفترة تسليم مشاريع وبحوث والى أخره ويجي فبالكم الاحباط 💔💔

⚫ أول شي لحد يجي يقولك ابدا التحصيلي من قبلها بسنه ولا ب ٤ شهور عشان تجيب +٩٠ 🙂
🔸اوك ذاكرت قبلها بشهور حتجي قبل الاختبار تتعب وتمل ومحا يكون لك خلق تذاكر 💔
🔸ولو افترضنا انك ذاكرت قبلها بشهور مستحيل تذاكر بجديه يعني حتضيع وقت وتعب على الفاضي 🙂💔

الطريقة الصح ✔️ :
🔴 أبدا من تاريخ ٢٠ جماد الثاني 🥈
عشان يكون عندك ١٠ ايام قبل اختبارك تذاكر التجميعات او تراجع او لو اتأخرت مع الاختبارات يكون عندك وقت اساسا

🔴 اذا دخلت دورة او اشتريت كتاب ابدأ من الماده السهله لصعبه

◾نصيحه مني اعملوا كذا، انا ذاكرت من الصعب الى السهل وضاع عليا وقت
انا بالنسبة ليا كان رياضيات صعب وبدأت فيه وكنت في اشياء اعك فيها وتأخذ مني وقت ومع الاختبارات صرت اتكاسل

لكن لما تبدأو من الماده السهله بالنسبة لكم حتخلصوا اسرع ويكون عندكم وقت للمادة الصعبه ووقت للمراجعه ووقت للتجميعات 😍💗

🔴 في فكرتين في المذاكره 💕 :
1️⃣ تمسك كل ماده لحال تبدأ من الماده السهله الصعبه
2️⃣ تمسك من كل مادة قسم او قسمين على حسب الخطه اللي حتعملها للمذاكرة "اعمل الطريقة دي لو تحس انك محا تتشتت"

⚪ مذاكرة التجميعات من دون تأسيس متعب وتجيب لك الاحباط بسرعه لانك تكون ناسي معلومات او قوانين، وأنتبهوا التجميعات في منها مليانه اغلاط
◾المسائل .. افهموا طريقة الحل ولا تحفظوا النواتج
◾الاسئلة العاديه .. قبل لا تحفظوا اتاكدوا تكون الاجابه صح

🔴🔴 في قنوات في اليوتيوب تشرح التجميعات و تميز برضو يعملوا بثوث شرح للتجميعات في الانستا 😍
@tamayyozz_ta
🔴 في حالة ماعندك امكانيه تشتري الكتاب .. دار حرف موفرين كتبهم التحصيلي على هيئة pdf
تلاقوها على الرابط التالي 👇 :
http://daralharf.com/?page_id=172

🔴 التجميعات الجديده والقديمه وملخصات قوانين الفيزياء والكيمياء على الرابط التالي 👇 :
Tamayyozz.com
أخر الصفحه تلاقوا تجميعات التحصيلي والملخصات

🔴 قناة تميز للتحصيلي 🌟 :
https://t.me/tamayyozz_ta
على القناة موجود اشياء تساعدك في المذاكره 💕

قروب التليقرام للطالبات والطلاب العلمي 📫:
https://t.me/tamayyozz_tas
قروب التليقرام للطالبات والطلاب الأدبي 📫:
https://t.me/tamayyozz_taa

🔴 تطبيق تميز .. عندهم اختبارات مجانيه من التجميعات وذا شي حلو واسهل في التدريب 💪🏻

🔴🔴 لما تكونو مذاكرين الفترة الأولى كويس، اختبارك للفترة ثانيه تقدر ساعتها تراجع وتركز على المعلومات الصعبه بالنسبة لك وتذاكر التجميعات السنين 💪🏻
..

التحصيلي سهل ومو صعب وتقدروا تجيبوا +٩٠ بكل سهوله ، يحتاج انك تكوني فاهمه ومتأسسه وتتدربي بحل تدريبات كثيره 💪🏻
بس لما بقول سهل مو تتهاونوا فيه وتهملوه ☺️
أتمنالكم التوفيق والدرجات العاليه يارب الله يسهلكم ويسرلكم
ولو تحتاجوا حاجه تقدروا تتواصلوا معايا اساعدكم ومحا اقصر ان شاء الله 💕💕

وأتذكروا 🧠:
١-‏‏قوله تعالى : ( لَا يُكَلِّفُ اللَّهُ نَفْسًا إِلَّا وُسْعَهَا ).

٢-" ولكـل مجتهداً نصيب" ربنا مايضيع تعب أحد وبيعطيك على قد تعبك وزياده🌿

وكون على ثقه أنك حتعدي إختبار التحصيلي 👌🏻
بتفاؤلك + إجتهادك + ثقتك في نفسك وفي ربك قبل كل شي 🙏
الموضوع مو صعب ولا مستحيل بس يحتاج له مثابرة ✅

⚫️ وأوعك تفكر تأخذ تجارب الناس كمصدر سلبي لك ❌
مو الكل أتأسس مو الكل أتدرب مو الكل أهتم مو الكل طريقة أستعداده صح
بسبب طريقتو الغلط بنشر الطاقه السلبيه والكلام اللي يضيع الوقت 🙏

خلي ثقتك في ربك وفي نفسك كبيره ❤️❤️

كتب ناصر عبدالكريم للتحصيلي :

مواقع التواصل الاجتماعي لتميز اللي حتفيدكم التحصيلي :

لو أستفدتوا مني بحاجه أذكروني بدعوة 💙
وفضلاً ..  ماشاءالله 💙
"رهاف منديلي" 💙