who are you ?

معرفتك بنفسك..

نعتبر جهله لأننا مانعرف نفسنا مانعرف ذاتنا وقدراتنا وكل مايميزنا وننتظر من غيرنا يعرفونا على نفسنا ننتظر من غيرنا يفهمنا امكانياتنا  واحنا محنا قادرين نفهم نفسنا ؟؟ ليش مانعرف ايش نحب او ايش نكره او ميولنا وقدراتنا ومواهبنا .. مافي شخص افضل من الثاني لكن الفرق بين شخص يعرف ذاته يعرف يقدرها يعرف يطورها وبين شخص مستني من غيرو يعرفو على نفسه ...

أرجع لنفسك اعرف ميولك , مميزاتك . قدراتك . هواياتك . أمنياتك . كل شي يخصك وينتمي لك ..
لا تقارن نفسك بأحد لا تقارن جهدك بجهد أحد كل شخص له ظروفه وامكانياته بدايتك غير عن بدايتهم وقصتك غير عنهم , قدراتك , طموحاتك , كل شي فيك غير عنهم .. لذلك لا تلجأ للمقارنة بتهدمك وبتخلي كل تفكيرك بغيرك وتنشغل عن نفسك ...

في لحظة حتنصدم من قدرتك على العمل أو الانجاز.. لانك عظيم فلا تغفل عن مميزاتك ..
قبل ذا كله لا تعمل حاجتين في نفس الوقت .. تطور نفسك وتدفن نفسك في أفكارك السوداوية
والسلبية .. بأختصار لانك محا حتتطور ولا حتنجح طول ما أنت بتفكر بسلبية ..

الانسان لا يتطور بالراحه , التجربة والمعاناة والمحاولة هي التي تطور روحه ..
أنت مميز , بمجرد ماتحس بتميزك .. حتستمر عشان نفسك ..حتحب نفسك وحتعرف اللي ينفعك واللي يضرك .. بأختصار حتكون بالصورة اللي انت حاب تشوف نفسك بيها ..


كل شخص فينا انخلق وعنده رسالة يوصلها محد انخلق عبث .. أستشعر ودور عن سبب وجودك حتى تنشره .. كل انسان وجوده يغير في كل الكون , كل ذرت عمل تعملها تأثر على الكون .. بأختصار                " وجودك له هدف " 



رهاف منديلي .