الانجليزي 🗣️

الانجليزي

خلال الاستبيان اللي عملتو كان الاغلب يشتكي من الانجليزي بخصوص أنه مادة صعبه ومن ذا الكلام 🙇‍♀️

حاليا بتكلم بشكل عام حتى تستفيدي ✔️🗣️

أول شي الانجليزي لغة ضروري تتقنيها لأسباب☑️ :

1-لغة عالمية وصارت معتمدة في كل مكان 🌍

2-عشان مستواكي الدراسي ودرجاتك 📊

3- انتي طالبة ثانوي وباقي لك على الجامعه سنه او سنتين ودراسة الجامعه تعتمد على الانجليزي🕠

""وبما أنك طالبة ثانوي لازم تطوري لغتك عشان ماتتعبي بعدين"✔️
٤- حتي لو خلصتي ثانوي تقدري تطوري انجليزيتك في الاجازه وتكوني حصيلة لغوية ولما تبدأ الجامعة مع الوقت حتصير اللغه سهله عليكي

عشان تكتسبي اللغه 🗣️☑️:

1- من الدورات مثلا🔍:

  http://englishlive.ef.com/ar-sa

عبارة عن كورس اونلاين 

اول حاجة حيعملولك اختبار تحديد مستوى وحيحطوك في المستوى المناسب 🔍📑

أيًا كان مستواك فهو يتكون من عدة وحدات 

الوحدة بتكون شاملة لتدريبات مرا كتير لكلمات جديدة وقاعدات وكلاسات مع مدرسين وطلاب ورايتينق 

واهم ميزة انهم مستخدمين استراتيجية التعليم بالترفيه 

2- https://www.englishplace.net/
كورس أونلاين برضو وانا جربتو شخصيا حبيتو ,, محتواه قرمر وفكابلري ولسين وريدينق كل يوم ينزل لك درس لمدة أربعه أسابيع مع واجب ,, شرح الاستاذ كان ممتع ومفهوم مع أختبار نهاية الدورة📝🎲
وحقيقي من أمتع الدورات الاونلاين

3- ممكن تروحي للمعاهد 🗺️:
1-معهد بيرلتز لتعليم اللغات - مكة المكرمه
2- أكاديمية اكسفورد للغة الإنجليزية بمكة
3- معاهد وول ستريت بمكة

2- ممكن عن طريق الافلام والكتب🎬:
الافلام والكتب حتستفيدي أنك حتكسبي فوكابلري بشكل مستمر ومع تطوير مهارتك في الريدينق او السين 🔔🔊

3- تحميل ابلكيشن :Ted 

تي عبارة عن موسوعة 

الفيديوهات متفجرة بافكار جديدة تخليك تتعلم دروس عظيمة وبكدا انت حسنت لغتك وزدت من رصيد معلوماتك.

4- قصص الاكسفورد📚 :
من أمتع الطرق في التعلم تنباع القصص في جرير والقصص دي على عدة مستويات من 1الى 6
 وكل ما تنتقل لمستوى أعلى تشوف الكلمات تزيد .. الجمل تصير أعقد .. المعاني تصير غامضة أكثر .. ومستواك يرتفع يرتفع يرتفع
والشي المميز أنو مع الكتاب يجيك سي دي تقدر تسمع للقصة حتستفيد بثلاثة طرق💡 :
1-لسين🔊
2- ريدينق📃
3-فوكابلري وقرمر📑

طرق التعلم للانجليزي كثير بس طبعا لابد من الممارسة,,مارسيها مع صحباتك أو أخواتك أو أي شخص حولينك💡وكوني واثقة الموضوع مو صعب بس يحتاج له مثابرة وصبر❤️❤️

بالنسبة للدراسة، ثانويه او تحضيري:
أنا دارية أنكم بتواجهو صعوبة ,, الحل الأمثل أنكم تذاكرو أول بأول كيف؟

1-القرمر أفهمو وطبقوه الين يثبت في دماغك
2- الفوكابلري أحفظيه وحاولية تربيطة في جمل وتمارسيها حتى تثبت في دماغك
3-الريدينق والسين حضريه من معتصم نديم وأقعدي أتدربي
ذا كله بيسهل عليكي قبل الاختبار وتقدري تمشي في الانجليزي وتجيبي درجات عالية📝✔️
قناة معتصم نديم : https://youtu.be/X-8q_SMNka4
معصتم نديم شرحه مفهوم ومبسط ويشرح بتفصيل أعتمدوه✔️

تطبيقات بتفيدكم في تطوير مهاراتكم في الانجليزي 🌚:
🔴 Voscreen 💪🏻
 يجيب مقاطع من افلام ومسلسلات بالانقليزي ونتي تحاولين تفهمين الترجمة بالعربي وتختارين الترجمة صح
حيجيبلك الصح والخطا وانتي تختارين المعنى الصح

🔴 Dulingo
ذا صراحهه مرا يجنن لتعليمم من الصفرر من اساسياتت وفيه كمانن عباراتت ويحددلك وقت ف اليوم انتِ تختارين ذا الوقت❤.

ولوأحتجتو حاجه كلموني أساعدكم أنا موجودة عشانكم,, بالتوفيق يارب❤️❤️❤️

وفي الاخير:
على قدرِ حُلمك تتسع الأرض فأحلم إلى ان تُصبح الأرض فضاء و تزداد النجوم🌟❤️

لو أستفدتوا مني بحاجه أذكروني بدعوة 💙
وفضلاً .. ماشاءالله 💙
"رهاف منديلي"🧠💙