كيمياء ٢ 🌈
كيمياء المستوى الثاني 🥈
مادة الكيمياء ماده خفيفه وحلوه وممتعه في نفس الوقت مافيها صعوبة بالعكس تقريبا نص المنهج يعتمد على أولى ✔️❤️❤️لكن الكيمياء دي المرا دسمه رغم سهولتها ف عشان ماتتراكم عليكِ ذاكريها أول بأول ولاتجميعها عليكِ، وكوني متفائله وان شاء الله بتاخذي ١٠٠ فيها ❤️
اول حاجه ابله هنيه حتطلبكم ملزمة من مكتبة اصل وصورة ف الشوقيه ب 25 ريال
طيب هادي ملزمه حيكون فيها اربعه أشياء :
1- أوراق عمل موجودة جوت ملزمه بس الي عليكم تحلوها وف عندي رابط فيلو الحل للأوراق كلها📝
2-اشياء ابله هنيه تمليكم هيا أو تعطيكم اسئله عن درس وانتو تحلوها📑
3-حتعطيكم أوراق احيانا ملخصات وأحيانا أوراق عمل
4-اوراق المعمل حتحطوها ف الملزمة💡
٥- الملزمة حافظي عليها تكون كامله ومرتبه أول بأول و
لازم التاريخ والعنوان والفكرة الرئيسيه وكله يكون موجود لأنها من طلباتها ✔️
" الشي المهم المرسمه غير معترف فيها ف أبعدي عنها واكتبي بالقلم" 💙
وقت الحصه📚:
اول شي ابله هنيه ترا شرحها مرا حلو تشرح بالتفصيل الممل بس انتو ركزو معها وحتى لو سألتوها ماتعصب بالعكس تشرح وتعدلك 💁♀️
🔴 أشياء ابله هنيه ماتحبها وأبعدو عنها ☺️:
١- أكل وشرب ولبان ❌
٢- مرسمه قلم أي شي يشغلك في الحصه أبعدي عنه وقت ماهيا تشرح لاتنشغلي ولا ف أي شي عشان لاتعصب 🌟
🔴 لو ذاكرتي اول بأول ،وكنتي مهتمه في مادتها ومتفاعله معها وبتطبقي شروطها بحذافيرها اعرفي انك طالبة مميزه عندها ❤️❤️
المنهج💹:
منهج كيميا ٢ مو صعب ابدا اوك هو ثقيل ودسم لكنه سهل
لكن يحتجلو مزاكرة اول با أول لانو المعلومات مرتبطه ف بعضها و في اشياء كأنها من منهج سنه اولى باختصار مزاكرة اول باول وهو سهل ولو تحتاجي شي كلميني اساعدك فيه 💙💙💙
🔴 بتكلم عن كل وحده وأحتياجاتها 💡:
اول شي عندنا الوحده الاولى 📑 :
هيا الدروس اربعه الأولى كله مرتبط فبعضه ف لازم تكوني فاهمه الأول عشان تقدري تفهمي ثاني 💡
الوحده مرا سهله وممتعه ومعلوماتها بسيطه ، والقوانين فيها لطيفه كلها تعتمد على آله 💙
الوحده ثانيه 📑:
مافيها حاجه صعبه كلها عبارة مفاهيم لوفهمتيها وضعك تمام ✔️ وأبله هنيه في نفس الوقت ملخصتها لكم بطريقة مبسطه 😍
الوحده الثالثه 📑:
في ورقه تنباع ف اصل وصورة بريال اسمها (كراسة الخطة العلاجية لاكساب الطالبات مهارات أساسية ف مقرر الكيميا)
ضروري تكونو موفرين دي كراسة لأنها ملخصه فيها أهم الأشياء اللي مفروض تحفوظها أو تكونو حافظينها من زمان ✔️
ونصيحة مني: أحفظو العناصر أول بأول ، لأنك لوحفظتيها بتصير الكيمياء لعبتك ولاهو شي صعب بالعكس ممتع 😍💡
طيب ف صفحه (97 ) ذا جدول ضروري وهي إلى ابله هنيه ملخصتها ف كراسة ✔️
وصفحه (99) برضو الجدول ذا مهم ولازم تحفظوه 💪💙
الوحده الرابعه 📑:
مافيها اي حاجه صعبه بالعكس ألطف الوحدات الموجودة ومن أهم الوحدات اللي ابله هنيه تجيب منها فكونوا مركزين معها كويس 🌟
الوحده الخامسه📑 :
هادي أخف وأسهل واحلى فكرتها تعتمد على القوانين،احفظي القوانين ووضعك تمام ✔️💙💙💙
الوحده السادسة 📑:
حتلخص معاكم هيا جدول للعناصر اللي تحتاجوها في الوحده دي ،هنا منجد ذا جدول ممتع لأنه كله مرتبط في بعض أحفظيه كأنه لعبه😂🎲
بأختصار دي الوحده تعتمد على الحفظ برضو، المنهج سهل ولطيف أبعدو عن الكلام السلبي أن كان عن الكيمياء أو ابله هنيه تقدرو تجيبو أمتياز بسهوله بس كونو معها تمام ومع المنهج مذاكره اول بأول ❤
الاختبارات 📑 :
الاختبار الدوري الفتره الأولى والثانيه عليه ١٥ درجة 🔍
أسئلتها أغلبها سهله وهي مرا تساعد وقت الاختبار ف لاتخافو من دي الناحية ✔️
طريقة اسئلتها :
١ 🧠 الملزمة مصدر مهم للمذاكرة لأنها تجيب منه ✔️
٢ 🧠 الكتاب مصدر مهم ثاني ذاكرو أدق التفاصيل بزات اللي تاكدها عليكم لأنها تجيب منها ✔️
٣🧠 الملخصات أو أوراق العمل اللي تعطيكي هيا مصدر مهم ثاني✔️
كله سهالات لاتشيلي هم وحيكون ترم ممتع لكم أن شاءالله يارب ❤️❤️
وطبعا كنصيحة ورسالة فنفس الوقت 🌟📫:
كل يوم يمنحك الله العيش فيه هو فرصة لتبدع وتفتح مجال للتطوير والإنجاز، الأهم ألا تبقى واقفًا وتنتظر الفرص تأتيك جاهزة، فالشخص المبدع والناجح لا ينتظر الفرص تأتي إليه بل هو من يصنعها ويستثمرها على أكمل وجه
لو تحتاجو شي كلموني انا موجودة عشانكم وبأذن لله محا أقصر معاكم 💙
🔴 لو أستفدتوا مني بحاجه اذكروني بدعوه | ماشاءالله
"رهاف منديلي" 💙🧠
تعليقات
إرسال تعليق